लेखनाथ ।
विश्वको उत्कृष्ट गन्तव्य नेपाल बनाउने महाअभियान अन्तर्गत ‘नेपाल कला यात्रा’ पुस्तक प्रकाशनको लागि “विश्वको उत्कृष्ट गन्तव्य नेपाल तेस्रो कला प्रदर्शनी पोखरा विश्वविद्यालय प्रांगणमा कलाकार नगेन सिहंको कलाकृतिहरू प्रदर्शन भएको छ ।

गण्डकी प्रदेश सभा सदस्य द्रोणकुमार कुँवरले १०० रुपैयाँ योगदान गरी उक्त प्रदर्शनी कार्यक्रमको उद्घाटन क्यानभासमा चित्र कोरेर गरेका थिए । उनलेबागलुङ गल्कोटको रमणीय गाईघाट झरना ‘विश्वको उत्कृष्ट गन्तव्य नेपालको लोगो’ मायाको चिनो गमला, ट्रफी, प्रमाणपत्र, टिर्सटमा सार्वजनिक गरेर नेपालमा मात्रै नभई विदेशमा पनि चिनाउने कार्य गरेको बताउँदै चित्रकला प्रतियोगिता तथा प्रदर्शनी गर्ने कार्यलाई प्रशंसा गर्दै आगामी दिनको कार्यक्रमको शुभकामना दिए ।

‘नेपाल कला यात्रा’ पुस्तक संसारका १९५ देशको भाषामा प्रकाशन गरी विश्वको उत्कृष्ट गन्तव्य नेपाल बनाउने महाअभियानमा सहभागी हुन १०० रुपैयाँ योगदान गरी सहभागी हुने अवसर जुटाउन उक्त प्रदर्शनीको व्यवस्था गरिएको धौलागिरि विद्यार्थी समाज पोखरा विश्वविद्यालयका अध्यक्ष विकासजंग कुँवरले जानकारी दिए ।