न्यु एआई कन्टेन्ट लेबलिङ र मिडिया लिट्रेसी इनिसियटिभ्स

समाधान संवाददाता २०८१ जेठ २७ गते १७:१८

काठमाडौं ।
टिकटकले एआई ट्रान्सपरेन्सी र मिडिया लिट्रेसीमा महत्वपूर्ण प्रगतिहरूको घोषणा गरेको छ । कोयलिसन फर कन्टेन्ट प्रोभिनेन्स एण्ड अथेन्टीसिटी (सि२पिए)सँगको सहकार्यमा विभिन्न प्लेटफर्महरूबाट अपलोड गर्दा अटोमेटिक रूपमा एआई जेनेरेटेड कन्टेन्ट (एआइजिसी) लेबल गर्न कन्टेन्ट क्रिडेन्सियल प्रविधि प्रयोग गर्ने टिकटक पहिलो भिडियो सेयरिङ प्लेटफर्म बनेको छ ।


एआई जेनेरेटेड कन्टेन्टद्वारा उत्पन्न सम्भावित चुनौतीहरू बुझ्दा टिकटकले पारदर्शिता बढाउन बलियो सिस्टम लागु गरेको हो । यस पहलमा टिकटकको स्वामित्वको एआई इफेक्टहरूसँगै एआइजिसीका सबै अटोमेटेड लेबलिङ समावेश छन् । गत वर्ष कन्टेन्ट ओरिजिनको स्पष्ट बुझाइलाई बढावा दिँदै टिकटकको इनोभेटिभ लेबलिङ टुल्सबाट ३७ मिलियनभन्दा बढी क्रियटरहरूले लाभ उठाएका थिए ।


आफ्नो पारदर्शिताका प्रयासहरूलाई अगाडि बढाउँदै टिकटकले चाँडै नै डाउनलोड हुँदा पनि मेटाडाटा कन्टेन्टसँगै रहने गरी आफ्ना सबै कन्टेन्टहरूमा कन्टेन्ट क्रिडेन्सियलहरू विस्तार गर्नेछ । यो सुविधाले प्रयोगकर्ता र बाह्य प्लेटफर्महरूलाई कन्टेन्टको प्रामाणिकता पुष्टि गर्न सक्षम बनाउँदै डिजिटल परिदृश्यमा पारदर्शिताको विश्वव्यापी स्ट्याण्डर्डलाई बढावा दिन्छ ।

Advertisement


मिडियावाइज र विटनेससँगको साझेदारीमा टिकटकले मिडिया साक्षरता अभिवृद्धि गर्ने उद्देश्यले शैक्षिक अभियानहरूको शृंखला सुरु गर्दैछ । यी पहलहरू वास्तविक र भ्रामक एआई (जेनेरेटेड कन्टेन्टबीचको भिन्नता पहिल्याउँदै अनलाइन जानकारीको आलोचनात्मक मूल्यांकन गर्न प्रयोगकर्ताहरूलाई सशक्त बनाउन डिजाइन गरिएको हो । वर्षभरि टिकटकले मिडियावाइजसँगको सहकार्यमा युनिभर्सल मिडिया लिट्रेसीस्किललाई बढावा दिनमा केन्द्रित १२ वटा भिडियोहरूको शृंखला जारी गर्नेछ ।


एडबका जनरल काउन्सिल र प्रमुख ट्रस्ट अफिसर दाना रावले टिकटकको प्रयासको प्रशंसा गर्दै भने, ‘विश्वव्यापी रूपमा क्रियटर र युजरहरूको विशाल समुदाय भएको टिकटकको सिपिए/सिएआई दुवैमा संलग्नता हुनु निकै महत्वपूर्ण छ । आजको डिजिटल युगमाकन्टेन्टको प्रामाणिकता सुनिश्चित गर्नु महत्वपूर्ण हुन्छ । यो साझेदारीले त्यो लक्ष्यतर्फको महत्वपूर्ण कदमलाई चित्रित गर्दछ ।’

Advertisement


मिडियावाइजका निर्देशक एलेक्स महादेवनले साझेदारीको बारेमा उत्साह व्यक्त गरे । ‘सन् २०१९ मा टिकटकमा हाम्रो टिन फ्याक्ट (चेकिङ नेटवर्क सुरु गरेदेखि नै हामीले महत्वपूर्ण इन्गेजमेन्ट देखेका छौं । हामी यी नयाँ माध्यमहरू मार्फत् मानिसहरूलाई अनलाइन फिक्सनबाट तथ्य पत्ता लगाउन सशक्त बनाउन आतुर छौं,’ उनले भने ।


एडब नेतृत्वको कन्टेन्ट प्रमाणिकता इनिसियटिभ (सिएआई) मा सामेल भएर कन्टेन्ट प्रामाणिकतालाई बढावा दिने विद्यमान मापदण्डहरू अपनाउनमा टिकटक अग्रपंक्तिमा छ । यस सहयोगी प्रयासले प्रयोगकर्ताको अनुभव र विश्वास बढाउँदै टिकटकमा अटो लेबल गरिएको एआइजिसीको मात्रा क्रमशः बढाउने अपेक्षा गरिएको छ ।

तपाईको प्रतिक्रिया