टि २० पुरुष र महिला क्रिकेट हुँदै

समाधान संवाददाता २०८१ जेठ २८ गते १२:३१

पोखरा ।

पोखरामा गण्डकी प्रदेशस्तरीय टि २० पुरुष र महिला क्रिकेट प्रतियोगिता हुने भएको छ । प्रदेश खेलकुद परिषद गण्डकीको आयोजना तथा प्रादेशिक क्रिकेट संघ गण्डकीको आयोजनामा पुरुष र महिलाको दुई छुट्टाछुट्टै टि २० क्रिकेट प्रतियोगिता हुने भएको हो ।


प्रादेशिक क्रिकेट संघका अध्यक्ष सञ्जयकान्त सिग्देलका अनुसार पुरुष टि २० क्रिकेट प्रतियोगिता जेठ ३२ गतेबाट असार ६ गतेसम्म पोखरा रंगशालास्थित क्रिकेट खेल मैदानमा सञ्चालन हुनेछ भने महिलातर्फ हुने प्रतियोगिता असार ७ देखि १० गतेसम्म चल्नेछ ।

Advertisement


दशौं राष्ट्रिय खेलकुद प्रतियोगिताका लागि प्रारम्भिक टिम छनोटसमेत रहेको प्रतियोगितामा विजेता टिमलाई नगद पुरस्कार १ लाख र उपविजेता टिमलाई नगद ५० हजारका साथमा ट्रफी, मेडल तथा प्रमाणपत्र प्रदान गरिने अध्यक्ष सिग्देलले जानकारी दिए । प्रतियोगितामा ८ जिल्लाको सहभागिता हुने गण्डकी प्रादेशिक क्रिकेट संघले जनाएको छ ।

Advertisement

तपाईको प्रतिक्रिया