पोखरा ।

कास्की बचत तथा ऋण सहकारी संस्थाले वार्षिक नीति तथा बजेट निर्माणसम्बन्धी दुई दिने तालिम आयोजना गरेको छ ।

तालिममा कास्की बचत तथा ऋण सहकारीमा आवद्ध कास्की जिल्ला विभिन्न सहकारीबाट सञ्चालक, कार्यकारी प्रमुख तथा व्यवस्थापक गरी ४९ जनाको सहभागिता रहेको कार्यक्रम संयोजक तथा संस्थाका कोषाध्यक्ष केशवशरण पौडेलले जानकारी दिए । तालिममा नेफ्स्कुन पूर्व कार्यकारी प्रमुख कुवेर निरौलाले सहजीकरण गरेका छन् ।

कार्यक्रममा पोखरा महानगर पालिका सहकारी महाशाखाका अध्यक्ष रविरमण तिवारीले सहकारीका ऐन, नियम र कानुनको उल्लंघन गर्ने छुट कसैलाई नभएको जनाए । कास्की बचत तथा ऋण सहकारी संस्थाका सल्लाहकार सुदीप ढकालले सदस्य केन्द्रीय भएर संस्था सञ्चालन गरेमा सहकारी समस्यामा नपर्ने उल्लेख गरे ।

कास्की बचत तथा ऋण सहकारी संस्थाका अध्यक्ष शेरबहादुर कार्कीको अध्यक्षतामा भएको कार्यक्रममा निर्वतमान अध्यक्ष भेषराज बराल, सहभागी डम्बरसिंह वस्नेत, शान्ति अधिकारी संस्थाका उपाध्यक्ष ईश्वर्प्रसाद सुवेदी र सचिव मीनराज तिमिल्सिनाले बोलेका थिए ।