अन्तर्वार्ता

एनसेलको सधैं अन प्याकमा डाटा सकिएपछि ब्यालेन्स काटिन्न

समाधान संवाददाता २०८१ जेठ २९ गते ११:३६
स्टेफन रोड्रिगेज, चिफ अफ स्टाफ एन्ड अपरेसन, एनसेल

डाटा, एसएमएस, कल सेवाको सुविधा र सोसल मिडिया लक्ष्य गरी सुलभ दरमा ल्याइएको यो यस्तो खालको प्याक नेपालकै पहिलो हो । यो प्याक लिएपछि भ्वाइस कल र डाटाका लागि ग्राहकले छुट्टाछुट्टै प्याक किन्नुपर्दैन ।


दूरसञ्चार क्षेत्रमा तपाईंको अनुभव र पृष्ठभूमि थाहा पाउन सकिएला?

म एनसेलमा ३ महिनादेखि कार्यरत छु । एनसेलमा म चिफ अफ स्टाफ, अपरेसनका रुपमा आवद्ध छु । दूरसञ्चारको क्षेत्रमा ३० वर्षदेखि कार्यरत छु । मैले ल्याटिन अमेरिकी मुलुक जमैका र ट्रिनिडान टोबागो लगायत देशमा काम गरेँ । खासगरी ग्राहक सेवा मेरो प्राथमिकतामा छ । ग्राहकलाई कसरी सन्तुष्ट बनाउन सकिन्छ, कसरी विश्वस्तरीय सेवा प्रदान गर्न सकिन्छ भन्नेमा मेरो ध्यान छ । एनसेलकै कुरा गर्दा पहिलापहिला जसरी धेरै ग्राहकले ग्राहक सेवामा सिकायतका कलहरु गर्नुहुन्थ्यो, अचेल त्यो मात्रा घटेको छ । अर्थात ग्राहक सेवा राम्रो हुँदै गएको छ । म फाइभजीमा काम गरेर, त्यही पुस्ताको इन्टरनेट प्रयोगकर्ताको अनुभव बटुलेर आएको छु । नेपालमा पनि उच्च र गुणस्तरीय इन्टरनेट सेवा दिनुपर्छ भन्नेमा मेरो ध्यान केन्द्रित छ ।

Advertisement

फाइभजी इन्टरनेट सेवा अनुभव गरेको मान्छे, नेपालमा आउँदाचाहिँ कस्तो अनुभव भयो ?

म नेपालमा आउँदा आफ्नो पुरानो समयमा फर्किएजस्तो अनुभव गरेँ । मेरो देश अमेरिकामा म फाइभजी इन्टरनेट प्रयोग गर्थें, कहिल्यै मोबाइलमा डाटा बन्द गर्नुपर्थेन, जति बेला पनि अन भइरहन्थ्यो । यहाँ नेपालमा आउँदा जीवनको पुरानो समयमा फर्किएजस्तो भयो । तर यहाँको डिजिटल क्षेत्रमा धेरै परिवर्तन गर्न सकिन्छ भन्ने लागेको छ । मेरो लक्ष्य मैले अनुभव गरेर आएको फाइभजी इन्टरनेट सेवा नेपालमा पनि दिने भन्ने हो ।

Advertisement

गण्डकी प्रदेशमा एनसेलको उपस्थिति कस्तो छ ?
गण्डकी हाम्रो एक प्रमुख बजार र प्राथमितकता क्षेत्र हो । यहाँ एनसेलको बजार हिस्सा ५५ प्रतिशत छ । हाम्रा ग्राहकमध्ये ७० प्रतिशतचाहिँ डाटा प्रयोगकर्ता हुनुहुन्छ । गण्डकीले एनसेलको वार्षिक आम्दानीमा उच्चस्तरको योगदान गरिरहेको छ । नेपालभर एनसेलका कुल ग्राहकहरूमध्येचाहिँ गण्डकीको हिस्सा १० प्रतिशत छ र यहाँ सेवा प्रवाह गर्नका लागि हाम्रा ५०० भन्दा बढी टावरहरु छन् । यहाँका ९० प्रतिशत जनसंख्यामाझ हाम्रो फोरजी सेवा पुगिसकेको छ । पोखरा र दमौलीमा ग्राहक सेवा केन्द्र छन् । ती केन्द्रमा मासिक ६५ सय ग्राहक आउनुहुन्छ । र, हाम्रो महत्वपूर्ण डाटा सेन्टर पनि यही प्रदेशमा छ । यहाँ १३ सय ५० भन्दा बढी प्वाइन्ट अफ सेल्स् छन् र ६ हजारभन्दा बढी खुद्रा बिक्रेता हुनुहुन्छ ।

पहिला एनसेलका थुप्रै अफर र प्याकहरु थिए । हालै आएर त्यसलाई २० जतिमा घटाएको छ । किन ?
हो, यसअघि हामीसँग धेरै प्याकहरु थिए, जसबाट ग्राहकहरूमा अन्योल सिर्जना भएको हामीले पायौं र तिनलाई सरल बनाउँदै २० वटामा झारेका छौं । अहिले त खास गरी हामीले ८ वटा ‘सधैँ अन’ प्याकलाई फोकस गरेका छौं । आफ्नो आवश्यकता अनुसार ग्राहकले सजिलोसँग छनोट गरेर चलाउन सक्ने सुविधा होस् भन्ने हाम्रो चाहना हो । ‘सधैँ अन’ प्याक ग्राहकहरुले अबदेखि मोबाइलमा डाटा सधैँ अन गरिरहन सक्ने तरिकाले बनाएका छौं ।

‘सधैँ अन’ प्याक लिएपछि प्याकको डाटा सकिएपछि ब्यालेन्स काटिन्छ कि भनेर चिन्ता लिनुपर्दैन । प्याक सकिएपछि ब्यालेन्स काटिन्न

यो ‘सधैँ अन’ चाहिँ खास कस्तो प्याक हो ?
डाटा, एसएमएस, कल सेवाको सुविधा र सोसल मिडिया लक्ष्य गरी सुलभ दरमा ल्याइएको यो यस्तो खालको प्याक नेपालकै पहिलो हो । यो प्याक लिएपछि भ्वाइस कल र डाटाका लागि ग्राहकले छुट्टाछुट्टै प्याक किन्नुपर्दैन । ९८ रुपैयाँदेखि १४९९ रुपैयाँसम्मका प्याक ग्राहकले आवश्यकता अनुसार रोज्न सक्नुहुन्छ । यो प्याक किन्न पनि धेरै सजिलो छ । एनसेलको एपबाट पनि किन्न सकिन्छ, वा स्टार १२३ ह्यास डायल गरी पनि किन्न मिल्छ ।


‘सधैँ अन’ प्याक लिएपछि प्याकको डाटा सकिएपछि ब्यालेन्स काटिन्छ कि भनेर चिन्ता लिनुपर्दैन । प्याक सकिएपछि ब्यालेन्स काटिन्न । अहिलेलाई यो प्याक प्रिपेड ग्राहकका लागि मात्रै छ । पोस्टपेडका लागि अझै फरक सधैं अन प्याक आउँछ । अनि सबैजना साँच्चीकै सधैं अन रहन धेरै मद्दत पुग्नेछ ।

नेपाल, जहाँका आम उपभोक्ताको क्रयशक्ति कमजोर छ, त्यहाँ इन्टरनेट सेवा महँगो भएको महसुस गर्नुभएको छैन र?
तपाईं डाटा, भ्वाइस कल, एसएमएस र सोसल मिडियाका लागि पाइने डाटा भोल्युमको छुट्टाछुट्टै हिसाब गर्नुहुन्छ भने ‘सधैं अन’मा पाइने सेवा पहिला भन्दा दुई गुणा सस्तो भएको छ । सधैं अनमा पनि आधारभूत अर्थात बेसिक, सर्वाेत्कृष्ट अर्थात बेस्ट र असीमित अर्थात अनलिमिटेड गरी ३ थरी छनोटका विकल्प छन् । डाटा नै भविष्य हो र सधैं अनले नेपालको डिजिटल यात्रामा ठूलो योगदान पुर्याउने विश्वास लिएका छौं ।

नेपालको डिजिटलाइजेसनका लागि सधैं अनको योगदान के हुनसक्छ ?


खासमा नेपालको डिजिटलाइजेसनका लागि एनसेलको तर्फबाट यो एउटा आधारभूत खुटकिलो हो र यसले फाइभजीका लागि आधार तयार गर्ने छ हाम्रो विश्वास छ । फाइभजीका लागि यो महत्वपूर्ण र सार्थक प्रयास हो । हामी नेपालीलाई फाइभजी इन्टरनेटका लागि तयार गरिरहेका पनि छौं । नेपालीले निर्धक्कसाथ आफ्नो डाटा ‘सधैँ अन’ गर्ने सामथ्र्य राख्न सकून भन्ने चाहन्छौं । आजको समयमा इन्टरनेट भनेकै मोबाइलबाट प्रयोग गर्ने र यसले नै धेरै कुरा अनलाइनबाट गर्न सकिने भएकाले अब डाटा अफ गरेर बस्ने जमाना छैन ।

एनसेलले आफ्ना ग्राहकको सेवा, सुविधा र सेवाको गुणस्तरका सम्बन्धका बारेमा अरु के–के गरिरहेको छ ?


हामीले नेपालमा झण्डै विगत २० वर्षदेखि सेवा प्रवाह गरिरहेका छौं । र, हामीलाई थाहा छ कि नेपालीलाई कस्तो सेवा र सुविधा चाहिन्छ । हामीले विश्वस्तरीय सेवा दिइरहेका छौं भन्नेमा हामीलाई गर्व छ । अघि पनि मैले भनेको छु कि हाम्रा ग्राहक सेवा केन्द्रमा ग्राहकका सिकायतका फोनकलहरु आउन कम भएको छ, त्यो हामीले हाम्रो सेवा र गुणस्तरमा वृद्धि गरेको सूचक हो भन्ने ठान्छौं । हाम्रो एनसेल एप १० लाखभन्दा बढी डाउनलोड भएको छ र पछिल्लो त्रैमासमा मात्र २० प्रतिशतले हाम्रा सक्रिय ग्राहक थपिन’ले हाम्रो विश्वसनीयता अझै धेरै वृद्धि भएको देखाउँछ ।

अघि नै भन्नुभयो, ग्रण्डकी प्रदेशमा एनसेलको बजार हिस्सा राम्रो छ, यो प्रदेशले एनसेलको आम्दानीमा ठूलो योगदान गरेको छ । अनि एनसेलले चाहिँ यो प्रदेशमा संस्थागत सामाजिक उत्तरदायित्व (सिएसआर)को क्षेत्रमा के गरेको छ ?

जिम्मेवार कर्पोरेट नागरिक हुनुको नाताले हामीले सामाजिक उत्तरदायित्वका कार्यहरुमा निरन्तर ध्यान दिदै आएका छौं । हामी यो मुलुकको एउटा सबैभन्दा ठूलो करदाता पनि हौं । हामीले विभिन्न कर तथा शुल्क वापत सरकारलाई ३०० अर्ब रुपैयाँभन्दा बढी रकम तिरिसकेका छौं । साथै हामीले शिक्षा, स्वास्थ्य, वातावरण लगायतका क्षेत्रमा १ अर्ब ८५ करोड रुपैयाँभन्दा बढीको खर्च गरी विभिन्न सामाजिक कार्यहरु गरेका छौं । गण्डकीका ५ विद्यालयमा आधुनिक आइटी ल्याब स्थापना गरेका छौं ।

जसबाट २३ सय विद्यार्थी प्रत्यक्ष लावान्वित भएका छन् । अरु विभिन्न विद्यालयहरुमा त्यहाँका आवश्यकता अनुसार कक्षाकोठा निर्माण, पूर्वाधार, शैक्षिक सामाग्री वितरण, फर्निचर, पानीको प्रबन्ध मिलाउने जस्ता कार्यहरु गरेका छौं । एनसेलको प्रायोजनमा भएका एनसेल बाह्रखरी गल्फले पनि यो प्रदेशको विकास तथा प्रवद्र्धनमा सहयोग पुर्‍याउँदै आएको छ ।

तपाईको प्रतिक्रिया