पोखरा ।
बाटुलेचौरमा रहेको विन्ध्यवासिनी माध्यमिक विद्यालयले माध्यमिक शिक्षा परीक्षा (एसइई) दिएर बसेका विद्यार्थीलाई ३४ जना छात्रालाई ब्युटीपार्लर तालिम दिएको छ । ७ दिनसम्म सञ्चालन भएको तालिममा विद्यालयका अभिभावकसमेत रहेका ब्युटीसियन सृष्टि पुन र विना थापाले अनुहारको हेरचाह तथा सौन्दर्यकरणका विषयमा सहभागी विद्यार्थीलाई तालिम दिएका थिए । शिक्षक अभिभावक संघको नेतृत्व तथा विद्यालयको व्यवस्थापनमा सञ्चालित तालिमको सोमबार समापन गरिएको छ ।

तालिममा सहभागी विद्यार्थीलाई विद्यालयका प्रअ कृष्णप्रसाद आचार्य, सहायक प्रधानाध्यापक रामबहादुर बानियाँ, विद्यालय व्यवस्थापन समितिका सदस्य ईन्दु भट्टराई अभिभावकद्वय मुना पौडेल, अन्जना तिमिल्सिना लगायतकाले प्रमाण पत्र प्रदान गरे ।

प्रधानाध्यापक कृष्णप्रसाद आर्चायले अभिभावकले सिकेको सीपलाई विद्यार्थीको माझ पु¥याएको बताए । उनले फुर्सदको समयमा सिप सिक्दा क्षमता वृद्धि हुनुका साथै जीवनोपयोगी हुने वताए । सो अवसरमा प्रशिक्षक पुन र थापालाई विद्यालयले सम्मान समेत गरेको छ । विद्यालयले निकट भविष्यमा विद्यार्थी केन्द्रित अन्य सिप सिकाउने तयारी समेत गरेको बताएको छ ।