पोखरा ।
नेपाल रेडक्रस सोसाइटी पोखरा १० उपशाखाले पोखरा महानगरपालिका वडा नम्बर १० को आर्थिक सहयोग र पोखरा महानगरपालिका कृषि महाशाखाको प्राविधिक सहयोगमा कौशीखेती तालिम दिएको छ ।

४ दिने कौशी खेती, करेसाबारी खेतीका साथ मल, बिउसमेत वितरण गरिएको छ । पोखरा १० का अध्यक्ष राजेश गुरूङले कौशीखेती गर्न सञ्जाल बनाउन आग्रह गर्दै आवश्यक परे वडाले पनि सहयोग गर्ने वाचा गरे ।

कार्यक्रममा वडा नं १० का टोल विकास संस्था र आमा महिला समितिका सदस्य सहभागी थिए । कार्यक्रममा पोखरा महानगरपालिका कृषि महाशाखाका प्रमुख मनहर कडरिया, उमा पुन र विष्णु भट्टराईले प्रशिक्षण दिएका थिए ।