पोखरा ।

दिव्यज्योति क्लबको आयोजनामा बिहीबारदेखि सुरु हुने पहिलो संस्करणको फुटसल प्रतियोगिताको तयारी पूरा भएको छ । पोखरा १५ भित्रका क्लबलाई लक्षित गर्दै ३१ र ३२ गते न्यू एयरपोर्ट फुटसल खेल मैदानमा हुने प्रतियोगिताको सम्पूर्ण तयारी पूरा भएको सहसंयोजक शैलेस गुरुङले जानकारी दिए ।

प्रतियोगिताको उद्घाटन खेल बिहान ९ बजे रेन्बो स्कुल र नयाँगाउँ एफसीबीच हुनेछ । प्रतियोगिताको उद्घाटन पोखरा १५ का वडाध्यक्ष तोरण बाँनियाले गर्ने छन् ।

प्रतियोगितामा पोखरा १५ भित्रका २१ टिमको सहभागिता रहनेछ । विजतालाई नगद ३० हजार र उपविजेतालाई नगद २० हजारसहित सिल्ड, मेडल तथा प्रमाणपत्र दिइनेछ ।