पोखरा ।
प्रो फिट्स एफसी पोखरा १७ कास्कीको आयोजनामा पोखरामा दोस्रो एम्योचर फुटसल प्रतियोगिता हुने भएको छ । पोखरा रंगशालामा असार २ गतेदेखि हुने प्रतियोगितामा ४० भन्दा बढी टिमको सहभागी हुने सम्भावना रहेको खेल संयोजक साजन रेग्मीले वताए ।

प्रतियोगितामा प्रथम हुनेले नगद ७७ हजार सात सय ७७ रुपैयाँ नगद र दोस्रो हुनेले ३७ हजार सात सय ७७ रुपैया नगद, प्रमाणपत्र ट्रफी र मेडल पुरस्कार पाउने छन् ।

टिम दर्ता शुल्क ५ हजार ५ सय ५५ रहेको उक्त प्रतियोगितामा बेस्ट प्लेयर, बेस्ट गोल किपर, हाई स्कोररलाई ट्रफी, स्पेसल गिफ्ट ह्याम्पर प्रदान गरिने पनि आयोजकले बताए ।

प्रतियोगिताका लागि प्रायोजन मित्रबन्धु फुटबल क्लब, मिडिया पार्टनरमा दरबारथोक एड्भरटाइजिङ एजेन्सी छन् ।