लेखनाथ ।
लेखनाथ उद्योग वाणिज्य संघले २०८१/८२ देखि ५ वर्षसम्मको रणनीतिक कार्ययोजना तयार पारेको छ । संघले पाँच वर्षभित्र गर्ने योजना तयार पारी सोही अनुसार अगाडि बढ्ने लक्ष्य लिएको छ ।

२ दिनसम्म तनहुँको बन्दीपुरमा आयोजना गरिएको चौथो कार्ययोजना तर्जुमा कार्यशाला गोष्ठीले कार्ययोजना बनाएको हो । संघ अध्यक्ष विनोद श्रेष्ठको अध्यक्षतामा भएको कार्यक्रममा उद्यमशीलता विकास र व्यवसाय प्रवद्र्धनमार्फत राष्ट्रिय अर्थतन्त्रमा टेवा पुर्‍याउने लक्ष्यले योजना निर्माण गरिएको हो । सो अवधिमा उद्यमशीलता विकासको माध्यमबाट स्थानीय अर्थतन्त्रलाई सुदृढीकरण गर्ने रणनीतिक छ ।

गोष्ठीमा पोखरा महानगरपालिका सहरी योजना आयोगका सदस्य डा होमनाथ गैरेले सहजीकरण गरेका थिए । संघका महासचिव जानुका अधिकारीले सञ्चालन गरेको कार्यक्रममा संघका वरिष्ठ सल्लाहकार विश्वगोपाल श्रेष्ठ, डिलकुमारी दाहाल (सन्ध्या) र वस्तुगत संस्थाको तर्फबाट लेखनाथ निर्माण व्यवसायी समिति अध्यक्ष प्रेमबहादुर थापा, वरिष्ठ उपाध्यक्ष राजेन्द्र ओझा लगायतले बोलेका थिए ।