पोखरा ।
पोखरा महानगरपालिका वडा नम्बर ७ नुवारथोकमा नुवारथोक टोल विकास संस्था पोखरा ७ को क्षेत्रमा रहेका बालबालिकाले भेला गरी सोमबार नुवारथोक बाल क्लब गठन गरेका छन् । एन्जिला पौडेलको अध्यक्षतामा १९ सदस्यीय कार्यसमिति सर्वसम्मतरुपमा निर्वाचित भएको छ ।

क्लब उपाध्यक्षमा शौरभ बराल, सचिव दीया भण्डारी, सहसचिव इशानी बराल र कोषाध्यक्षमा अतुल पण्डित चयन भएका छन् । सदस्यमा समृद्धि बराल, शिवानी पाण्डे, एलिना पण्डित, राजी पौडेल, स्पा तामाङ, सम्पदा बराल, शिवानी बराल, एन्जला पौडेल, प्रज्ञान बराल, राशी शाह, उमंग श्रेष्ठ, सम्राट बराल, प्रतीक बराल र उद्धव बराल छन् ।

कार्यक्रममा वडा बाल मञ्चका सचिव प्रयुक्ता बराल, नुवारथोक टोल बिकास संस्थाका पूर्वअध्यक्ष ठाकुरप्रसाद बराल, सामाजिक व्यक्तित्व नवीन बराल लगायतले सहजीकरण गरेका थिए । अब प्रत्येक शनिबार र बिदाको दिनमा भेला भई विभिन्न काम गर्ने क्लबले निर्णय गरेको छ ।