पोखरा ।
राष्ट्रिय धर्मसभा नेपाल जिल्ला कार्यसमिति कास्कीको छैठौं अधिवेशनबाट मोक्षनाथ तिमिल्सिनाको अध्यक्षतामा २६ सदस्यीय कार्यसमिति र सल्लाहकार समिति निर्विरोध भएको छ ।

नवनिर्वाचत समितिमा वरिष्ठ उपाध्यक्ष कुलप्रसाद भण्डारी, उपाध्यक्ष दीपक सापकोटा, सचिव शिवबहादुर बराल, कोषाध्यक्ष हरिलाल गिरी, सहसचिव धना पोखरेल, सहकोषाध्यक्ष शशि शर्मा अधिकारी र प्रवक्तामा जमुना सुवेदी छन् । सदस्यमा सावित्री बस्याल, सुभद्रा चालिसे, नन्दप्रसाद बराल, सन्त बलराम सिग्देल, भीमराज भण्डारी, शिवप्रसाद गौतम, सीता खड्का, इन्दिरा आचार्य, जानुका चालिसे, रुद्रमणि ढुंगाना, भरत गिरी, धनपति अधिकारी र टुल्की पौडेल(मनिषा) छन् ।

सल्लाहकारमा विश्वेश्वर ढकाल, केशवराज भण्डारी, कृष्णप्रसाद चापागाईँ, ठाकुरप्रसाद बराल र डा. सुजनबाबु पौडेल चयन भएका छन् । कार्यक्रममा राष्ट्रिय धर्मसभा नेपालका केन्द्रीय अध्यक्ष प्राडा माधव भट्टराईले सनातन धर्म संरक्षणमा संघ शक्तिमा एकताबद्ध भएर अगाडि बढ्न आग्रह गरे ।

सभाले महासचिव रामनाथ अधिकारी ‘संगी’को सचिवको प्रतिवेदन, कोषाध्यक्ष हरिलाल गिरीको लेखा प्रतिवेदन पारित गर्‍यो । संस्थाका अध्यक्ष कृष्णप्रसाद चापागाईँको अध्यक्षतामा भएको कार्यक्रममा केन्द्रीय उपाध्यक्ष केशवराज भण्डारी, उपाध्यक्ष ठाकुरप्रसाद बराल, जमुना सुवेदी, सीता खड्का लगायतले बोलेका थिए ।