पोखरा ।
पोखरा–४ मा अवस्थित सगरमाथा निकेतन स्कुलका विद्यार्थीले शनिबार बिहान लभ्लीडाँडा सरसफाइ गरेका छन् । विद्यालयमा गठन गरिएको स्काउट दलका विद्यार्थी र शिक्षकसहित २५ जनाको टोलीले लभ्ली डाँडाको सरसफाइ गरेको हो ।

विद्यार्थीहरुले सो क्षेत्रबाट कुहिने तथा नकुहिने गरी १५ बोरा फोहर संकलन गरी नष्ट गरेको विद्यालयका प्राचार्य दिलीप शर्माले जानकारी दिए । उनका अनुसार वातावरणप्रतिको सचेतना अभिवृद्धिका लागि कार्यक्रम गरिएको हो ।

‘विद्यार्थीलाई बाहिरी ज्ञानसँगै वातावरणप्रति सचेतना अभिवृद्धि गर्न विद्यार्थी, शिक्षक तथा कर्मचारी भएर सरसफाई कार्यक्रम गरेका हौँ । यसले जथाभावी फोहोर गर्नु हुँदैन भन्ने सन्देश समेत दिएको छ,’ प्राचार्य शर्माले भने ।

विद्यार्थीले लभ्लीडाँडाको फोहोर संकलन गरेपछि त्यहाँ अहिले सफा देखिएको छ । विद्यार्थीले जथाभावी फालिएका प्लाष्टिक, बोत्तल तथा अन्य फोहोर संकलन गरेका हुन् ।