पोखरा ।
जिल्ला प्रशाशन कार्यालय कास्कीमा छन्द बचाऊँ नामको एक पत्रिका दर्ता भएको छ । मंगलबार दर्ता भई दर्ता नं ३६६ रहेको सो पत्रिकाको सम्पादक र प्रकाशकमा छन्द बचाऊँ अभियान– २०५३ का संचालक एवम् महाकाव्यकार माधव वियोगी रहेका छन् ।

हरेक वर्ष छन्ददिवसका दिन वैशाख ८ गते माधव वियोगी वाङ्मय प्रतिष्ठान नेपालद्वारा छन्द सम्बन्धी गतिविधि छन्द सम्बन्धी रचना प्रकाशित गरी छन्दको पुर्जागृतिलाई थप व्यवस्थित गर्ने उद्देश्यले पत्रिका दर्ता गरिएको वियोगीले जानकारी दिए ।

२०४१ देखि पत्रकारितामा संलग्न रहेका वियोगी चेतनापत्र दैनिकका सम्पादक पनि हुन् । उनले पत्रकारिताका अनुभव र सम्पादकीयको संकलन पुस्तकका रूपमा पनि प्रकाशित गरेका छन् । आफ्नो नाममा दर्ता भएपनि सो पत्रिकाको प्रकाशनको अधिकार प्रतिष्ठानलाई सुम्पने जानकारी पनि वियोगीले दिए ।