पोखरा ।
कास्कीको माछापुच्छ्रे गाउँपालिका वडा नम्बर २ च्याङलुङमा परेको चट्याङले एक भेडी गोठमा पालेका ३२ भेडा मरेका छन् । गत असार ५ गते बेलुका परेको चट्यङका कारण गाउँमा एसखर्कको शिरा भूमिबराह भेडा फारमका ती भेडा मरेको फार्म सञ्चालक लीलबहादुर क्षत्रीले जानकारी दिए ।

सो फार्ममा २ सय भेडा थिए । उनले चट्याङले करिब ७ लाख क्षति भएको छ । उनले पछिल्ला समयमा सरकारी निकायले भेडा, बाख्राको पशु बिमाको व्यवस्था नगर्दा क्षतिपूर्तिका लागि समस्या भएको जनाए ।

क्षेत्रीले माछापुच्छ्रे गाउँपालिका लगायत सबै सरकारी निकायलाई क्षतिक बारेमा जानकारी दिएको उल्लेख गरे ।

च्याङलुङबाट निकै टाढा करिब ३ हजार ४ सय मिटर उचाइमा रहेका एसखर्कको भेडी गोठ भौगोलिक विकटताका कारण सरकारी निकायका प्रतिनिधिले क्षतिको स्थलगत अनुगमन गर्न नसकेको उनले बताए ।

युवाले स्वदेशमै पेशा व्यवसाय गर्ने उद्देश्यले विगत ५ वर्षदेखि फर्म सञ्चालन गरेको जानकारी दिँदै उनले चट्याङ लगायत प्राकृतिक प्रकोप र जंगली जनावरको आतंकबाट भेडालाई जोगाउन कठिनाई भएको जनाए ।