लेखनाथ ।

मौलिक संस्कृतिको संरक्षण गर्ने उद्देश्यले असार १५ गते लेखनाथमा रोपाईँ महोत्सव हुने भएको छ ।

राष्ट्रिय धान दिवसको अवसरमा पोखरा ३० को वडा स्तरीय कृषि सञ्जालको आयोजना र विभिन्न संघ, संस्थाको सहकार्यमा आगामी शनिबार पोखरा ३० को तागकोमुख फाँटमा महोत्सव गर्न लागिएको हो ।

कृषिप्रधान देश भएर पनि कृषि उत्पादन आयत गर्नुपर्ने बाध्यात्मक बदल्ने लक्ष्यले महोत्सव गरिएको हो । नेपालको मुख्य बाली धानको महत्व बुझाउन कार्यक्रम गर्न लागिएको कृषि सञ्जालका अध्यक्ष तथा कार्यक्रम संयोजक बाबुराम ढकालले जानकारी दिए ।

महोत्सवमा रोपाइँ प्रतियोगिता, हिलोमा माछा समाउने प्रतियोगिता, महिला पुरुषको हिलो दौड प्रतियोगिताका साथमा मनोरञ्जनात्मक कार्यक्रम हुने सञ्जालका सचिव अनन्त कँडेलले बताए ।