पोखरा ।

०८४ को आम निर्बाचन मात्र हैन, त्यसपछि पार्टी एकता गरेर सधै सँगै हिड्ने बाँचासहित गठबन्धन बनाएका एमाले माओवादीकाे गठबन्धन एकाएक भत्कदा राजनीतिमा तरंग छाएको छ । के कारणले एमाले अध्यक्ष माओवादी सुप्रिमो तथा प्रधानमन्त्री पुष्पकमल दाहालसँग बिच्किए भन्ने कारणहरुको खोजी राजनैतिक वृत्तमा व्यापक छ ।

मुलुकको राजधानी काठमाण्डुमा यसका बारेमा अनेकन चर्चा भैरहेका छन् । कसैले बजेट ओलीको असन्तुष्टीको कुरा गरेका छन् भने कसैले राजनैतिक नियुक्तमा भएका खचपचलाई कारण बताएका छन् ।

देखिने र भनिएकाे कारण भने संविधान संशोधन छ । निर्बाचन प्रणाली र शासकीय स्वरुपको व्यापक आलोचना भैरहेको बेलामा यसैमा जनचाहना अनुरुप संशाेधन गर्ने गरी एमाले कांग्रेस एक ठाउमा उभिएको विषयले बढी चर्चा पाएको छ । कांग्रेस र एमालेसँग एक्ला एक्लै एक तिहाईको हाराहारीमा सिट संख्या भएकाले यी दुई दल एक ठाउमा नभिइकन दुई तिहाई संख्या नपुग्ने भएकाले संविधान संशाेधनका लागि यी दुई दलका एकै ठाउमा उभिनै पर्दथ्यो ।

यसो हो भने के ओली हाँसी खुशी गठबन्धन तोडेर नयाँ गठबन्धन तर्फ लागेका हुन् त ? यो पक्कै होइन् । एमाले अध्यक्ष ओलीले संसदीय दलको बैठक डाकेर बजेटको खुला विरोध गर्न निर्देशन नै दिएका थिए । यसैबाट बुझ्नु पर्छ उनी प्रधानमन्त्री प्रचण्डसँग खुशी थिएनन् ।

श्रोतका अनुसार ओली र प्रचण्डबीचको तिक्तताको कनेक्शन गण्डकीसम्म पनि जोडिएको छ । एमाले अध्यक्ष ओलीले माओवादी असहयोग कै कारण गण्डकीमा एमाले नेता खगराज अधिकारीकाे सरकार गिरेको बुझेका छन् ।

माओवादीबाट निर्बाचन जितेका गण्डकी प्रदेशका सभामुख कृष्णप्रसाद धिताल कै सहयोगका कारण गण्डकीमा कांग्रेस नेता सुरेन्द्रराज पाण्डे नेतृत्वको सरकार बनेको र विश्वासको मत पाएकाे बुझाई छ ।

मुख्यमन्त्री खगराज अधिकारीलाई विश्वासको मत दिने बेलामा पनि सभामुख धितालले भद्र सहमति अवज्ञा गरेको श्रोतको दावी छ । उनले ३० सांसदलाई नै बहुमत घोषणा गरे आफ्नाे मत सुरक्षित राखेका थिए । यसमा एमाले नेताहरुकाे असहमति थियो ।

त्यस्तै सभामुख र उपसभामुखले पदबाट राजीनामा गरेको भए पनि कांग्रेस नेता सुरेन्द्रराज पाण्डेले विश्वासको मत पाउने थिएनन् । उनले विश्वासको मत नपाउदा गण्डकी प्रदेश कि त मध्यावधिमा जानु पर्दथ्यो कि त एमाले कै नेतृत्वमा सरकार बनाउनु पर्दथ्यो ।

आफ्नो पक्षमा ३१ ‍सांसद हुँदा हुँदै पनि सभामुख कै असहयाेगका कारण एमाले सरकार गिरेको रिपोर्ट ओली समक्ष पुगेको थियो । गोरखा एउटै निर्बाचन क्षेत्रबाट चुनाव लडेका प्रचण्डले सुरेन्द्र प्रति सद्भाव राखेको बुझाई एमाले वृत्तमा थियो । यही कारण पनि ओली प्रचण्डसँग सशंकित भैरहेको श्रोतको दावी छ ।