पोखरा ।
पोखरा ५ जिरोमा एनएमबी बैंकको एटिएम मेसिन तोडफोड गरिरहेको अवस्थामा एकजना पक्राउ परेका छन् । पोखरा ९ मा बस्ने धादिङका २३ वर्षीय रुपेश नेपालीलाई वडा प्रहरी कार्यलय बैदामले पक्राउ गरेको हो ।

बुधबार बिहान साढे २ बजेतिर एटिएम मेसिनमा प्रवेश गरी तोडफोड गरी रकम चोरी गर्न खोजेको भन्ने सुचनाको आधारमा उनलाई पक्राउ गरिएको जिल्ला प्रहरी कार्यालय कास्कीले जनाएको छ ।

कास्की जिल्ला अदालतबाट चोरी उद्योग मुद्दामा सात दिनको म्याद थप गरी थप अनुसन्धान प्रकृया अगाडी बढाइएको प्रहरीले बताएको छ ।