पोखरा ।
जिल्ला समन्वय समिति कास्कीले मंगलबार स्थानीय पूर्वाधार विकास आयोजना पोखरा मातहत सञ्चालित दुई विकास आयोजना अनुगमन गरेको छ ।

जिल्ला समन्वय समिति कास्कीका प्रमुख लीलाधर पौडेल नेतृत्वको टोलीले उक्त कार्यालय मातहतमा निर्मित पोखरा महानगर वडा न१७र २१ जोड्ने फुर्से खोला दम्सादीस्थित फाकलतरा दम्सादी झोलुंगेपुल मर्मत आयोजना र पोखरा महानगर वडा नम्बर २३ बिरिम मार्की सडक खण्डको बिरिम खोलामा निर्मित बिरिम खोला कल्भर्ट आयोजनाको अनुगमन गरेको हो ।

३५ लाख ५८ हजार ३ सय ६४ मा २०८१ वैशाख ३ गते निर्माण सम्झौता भएको फुर्से खोला दम्सादीस्थित फाकलतरा दम्सादी झोलुंगेपुल मर्मत आयोजना २०८१ असार ४ गते निर्धारित समयमै निर्माण सम्पन्न भएको पाइएको प्रमुख पौडेलले बताए ।

भिन जाली, रिपर्‍याप नाली प्लास्टिक सिट कभरिङ, बायो इन्जिनियरिङसहित क्याच ड्रेनको निर्माणले सो पुल सहित सो क्षेत्रको बस्ती संरक्षणमा समेत महत्वपूर्ण भूमिका खेल्ने पौडेलले सुनाए । जिसस कास्कीको अनुगमन टोलीले पोखरा महानगर वडा नम्बर २३ बिरिम मार्की सडक खण्डको बिरिम खोलामा निर्मित बिरिम खोला कल्भर्ट आयोजनाको समेत अनुगमन गरेको छ ।

२०८० असार ८ गते निर्माण सम्झौता भएको उक्त आयोजना २०८० फागुन ७ गते निर्धारित समयमै निर्माण सम्पन्न भएको छ । आरसिसी कार्य ग्याबिन ड्रेनसहित निर्मित सो आयोजनाको रैते कन्स्ट्रक्सन कम्पनीले निर्माण सम्पन्न गरेको हो ।

टोलीमा जिसस कास्कीका पदाधिकारी, सदस्य, प्राविधिक, इन्जिनियरसहित सरोकारवाला कार्यालय स्थानीय पूर्वाधार विकास आयोजना कार्यालयका कर्मचारीसहित स्थानीयहरूको उपस्थिति थियो ।