पोखरा ।

पोखरा महानगरपालिका–२७ दिपांग तालमा डुबानमा फसेका २ जना बालबालिका सहित ४ जनाको सशस्त्र प्रहरी बलले सकुशल उद्धार गरेको छ । अविलर वर्षाका कारण पानीको सतह बढेपछि गुल्मी स्थायी घर भई पोखरा–२७ सत्यारज ढकालको घरमा भाडामा बस्दै आएका एकै परिवारका ४ जना डुबानमा परेका थिए ।

सशस्त्र प्रहरी बलको नं. २४ कालिका गण पोखराबाट खटिएको टोलीले डुबानमा फसेका ५४ वर्षीय रामबहादुर अधिकारी, ३९ वर्षीय सृजना अधिकारी, ६वर्षीय आयुष अधिकारी र ४ वर्षीय आयुष्का अधिकारीलाई सकुशल उद्धार गरेको हो ।