पोखरा ।
विन्दवासिनी बचत तथा ऋण सहकारी संस्थाको रकम हिनामिना, अपचलन एवं ठगी गरेको कसूरमा फरार २ जना प्रतिवादी पक्राउ परेका छन् ।

सहकारीका पूर्व सञ्चालक समिति सचिव ४६ वर्षीय किरण कपाली र पूर्वलेखा समिति संयोजक जिल्ला संयोजक ४५ वर्षीय बुद्धिसागर ढकाल पक्राउ परेका हुन् । उनीहरु दुवैजना पोखरा १७, बिरौटाका बासिन्दा हुन् ।

जिल्ला प्रहरी कार्यालय कास्कीबाट खटिएको प्रहरी टोलीले उनीहरुलाई पक्राउ गरेको सूचना अधिकारी डिएसपी वसन्तकुमार शर्माले बताए । उनीहरुलाई मंगलबार जिल्ला अदालतमा उपस्थित गराइएको थियो ।

पोखरा ९, न्युरोडस्थित उक्त सहकारीका सञ्चालक समितिका पदाधिकारीहरू समेतले निक्षेपकर्ताको बचत रकम फिर्ता नगरी ठगी गरेको मुद्दा जिल्ला अदालतमा विचाराधीन छ ।