पोखरा ।
पोखरामा गायक सुबोध केसीले सांगितिक शो गर्ने भएका छन् । लेकसाइडमा रहेको ३६० स्काइ लाउन्जमा शुक्रबार केसीले ‘क्लासिक एण्ड गजल साँझ’ गर्न लागेका हुन् ।

कार्यक्रममा उनी र उनको टिमले विभिन्न हिन्दी तथा नेपाली गजलबाट दर्शकलाई मनोरञ्जन दिनेछन् । केसीलाई गाउनमा साथ गौरव राइले दिनेछन् । गौरवले गायनको अलवा हार्माेनियम, खनिस गन्धर्वले तवला, आशिष रिजालले गितारमा साथ दिनेछन् ।

कार्यक्रममा निशुल्क सहभागि हुन सकिने तथा कार्यक्रमको तयारी पूरा भएको लाउन्जका म्यानेजर मोहन बस्नेतले जानकारी दिए । गजल पारखी तथा पर्यटकहरुले गजल र संगितको मज्जा लिन सकुन भनेर कार्यक्रम निशुल्क गरिएको बस्नेतले बताए ।

कार्यक्रमका साँझ ७ बजेदेखि सुरु हुनेछ । गजल संस्कृतिको संरक्षण साथै मनसुनको समयमा पोखराको पर्यटन प्रवद्र्धन गर्ने उद्देश्यले कार्यक्रम आयोजना गरिएको उनको भनाइ छ ।