पोखरा ।
विश्वकर्मा समाज (पर्वत स्याङ्जा कास्की)को संरक्षणमा भीमबहादुर विश्वकर्मा स्मृति कोष स्थापना गरिएको छ । समाजका आजीवन सदस्य पोखरा ८ न्युरोड प्रेम मार्ग निवासी कृष्णबहादुर, काजी र शिव विश्वकर्माका दाजु भीमबहादुरको नवौं दिनको पुण्यतिथि श्रद्धाञ्जलीसभा समेत भएको छ ।

परिवारको चाहना अनुसार गरिब, असहाय बालबालिकालाई अध्ययनमा सघाउन कोष स्थापना गरिएको कृष्णबहादुर बताए । समाजका अध्यक्ष चन्द्रकिशोर गौतमले समाजका गतिविधिलाई सिर्जनात्मक रुपमा अगाडि बढाएको जनाए । उनले प्राकृतिक प्रकोप र मानवीय सहयोग चाहिनेलाई सहयोग गर्दै आएको सुनाए ।

उनी २५ हजारको कोषलाई ५ लाख पु¥याउने गरी अभियान चलाउने वाचासमेत गरे । सभामा महाशिला गाउँ पालिका ६ का पूर्व अध्यक्ष रामबहादुर सुनार, समाजका वरिष्ठ सल्लाहकार दुर्गाबहादुर सुनार, सल्लाहकार पाराश्वर सुनार महलाल विश्वकर्मा, हरि बराइली सुनार, सचिव खडकबहादुर सुनार र परिवारको तर्फबाट तोलाकान्त सुनारले बोलेका थिए ।