पोखरा । पोखरा महानगरपालिका वडा नं.६ हल्लन चोकमा आइतबार बिहानै गाडी दुर्घटना हुँदा एकजनाको मृत्यु भएको छ । प्रहरीका अनुसार, ग ३ च ३४५७ नं. को हाईलक्स गाडी र ग ११ प ९१ नं को मो.सा. एक आपसमा ठक्कर खाँदा मोसा चालक पोखरा ८ का २६ वर्षे ईश्वर परियारको निधन भएको हो ।

घाइते भई उपचारको लागी गण्डकी मेडिकल कलेज पोखरा पठाएकोमा बिहा ०६:४३ बजे उपचारको क्रममा चिकित्सकद्वारा मृत्यु घोषणा गरेको प्रहरीले जनाएको छ। 

उक्त स्थानमा वडा प्रहरी कार्यालय बैदाम कास्कीबाट प्रहरी टोली खटिई गई दुबै सवारी साधन र हाईलक्स चालक जिल्ला बर्दिया ठाकुर बाबा न.पा. ८ स्थायी घर भई हाल जिल्ला कास्की पोखरा म.न.पा. वडा नं.१७ ड्यामसाईड बस्ने वर्ष ३० को सुशिल दहितलाई नियन्त्रणमा लिई अनुसन्धान कार्य भई रहेको छ ।