सान फ्रान्सिस्को । अमेरिकाको क्यालिफोर्नियास्थित सान् फ्रान्सिस्ककोका युवा समाजसेवी प्रितेश कार्की आवास तथा सामुदायिक विकास सल्लाहकारमा नियुक्त भएका छन् ।

अलमिडा काउण्टीको बोर्ड अफ सुपरभाईजर्सले उनको नियुक्ति अनुमोदनको पत्र काउण्टीले कार्कीलाई पठाएको हो । सन् २०२८ जुलाई २३ सम्मको ४ वर्षे कार्यकालका लागि कार्की नियुक्त भएको काउण्टीको पत्रमा उल्लेख गरिएको छ ।

कार्की सान् फ्रान्सिस्को बे एरियाको नेपाली समुदायको सबैभन्दा पुरानो संस्था नेपाली एसोसिएसन अफ नर्दन क्यालिफोर्निया (नान्स) का अध्यक्ष पनि हुन् ।

उच्च शिक्षाका लागि अमेरिका आएका आर्किटेक इन्जिनियर कार्कीलाई उनको पेशागत शिक्षा र सामाजिक योगदानका आधारमा सो मनोनयन गरिएको हो । कार्की क्यास्ट्रोभ्यालीस्थित युनाईटेड स्कल डिस्ट्रक अन्तर्गत सबो इलिमेण्ट्री स्कुल काउन्सिलको निर्वाचित अध्यक्ष पनि छन् ।