पोखरा ।
न्युरो आर्ट नेपाल तथा बिजी हस्पिटल एन्ड रिसर्च सेन्टर पोखराको संयुक्त आयोजनमा न्युरो आर्ट प्रतियोगिता सम्पन्न भएको छ । बिजी हस्पिटमा उपचारत बिरामीहरु र हस्पिटल स्टाफहरुलाई केन्द्रित गरी आयोजन गरिएको प्रतियोगितामा उपचारततर्फ सिम्रन मल्ल प्रथम, सुप्रिया जयसवाल द्वितीय र शर्मिला मगर तृतीय भएका छन् । थप ३ जनाले सान्त्वना पुरस्कार प्राप्त गर्न सफल भएका छन् ।

प्रतियोगितामा स्टाफतर्फ सुरक्षा सार्की प्रथम, आस्मा गुरुङ द्वितीय र तेजिना गुरुङ तृतीय भएका छन् । स्टाफतर्फ ३ जना कर्मचारीले सान्त्वना पुरस्कार प्राप्त गरेका छन् । न्युरो आर्ट नेपालका अध्यक्ष हरेराम जोजीको अध्यक्षतामा आयोजित कार्यक्रममा प्रतियोगिताको नतिजा घोषणा गरी विजेताहरुलाई पुरस्कृत गरिएको थियो ।

कार्यक्रममा अध्यक्ष हरेराम जोजी, उपाध्यक्ष प्राडा निर्मल लामिछाने, हस्पिटल इन्चार्ज अनिता खड्काले बिजेताहरुलाई खादा लगाई प्रमाणपत्र सहित नगद पुरस्कार प्रदान गरे ।

न्युरो आर्ट नेपालका महासचिव रामप्रसाद पौडेलले सञ्चालन रहेको कार्यक्रममा नान आवद्ध सदस्यहरुसहित हस्पिटल परिवार तथा स्थानीयको उपस्थिति थियो । २०७९ मा स्थापित न्युरो आर्ट नेपालले चरणवद्ध रुपमा राष्ट्रिय तथा अन्तर्राष्ट्रिय कार्यशालाहरु आयोजन गर्दै आर्ट प्रदर्शनीसँगै जनसमुदाय र नवोदित प्रतिभाहरुका लागि विभिन्न प्रतियोगिताहरु आयोजन गर्दै आइरहेको छ ।