पोखरा ।
पोखरा महानगरपालिका वडा नम्बर २६ ले शुक्रबारदेखि वडाका टोलमा सरसफाइ र जनगुनासो सम्बोधन अभियान सुरु गरेको छ । वडाको सक्नेरी, हिमाली टोल, रिठ्ठेपानी, तालबेसी, घैंटेकोखोर बरालडाँडा, उपरजरे टोलबाट अभियान सुरु भएको हो ।

त्यस अवसरमा वडाध्यक्ष नरेन्द्र थापाले कार्यालयमा बसेरमात्रै जनताको गुनासो थाह नहुने भएकाले टोल टोलमा अभियान लिएर आएको बताए । अध्यक्ष थापाले टोल सरसफाइ पनि हुने र जनताको गुनासो सुन्न पनि पाइने भएकाले कार्यक्रम सञ्चालन गरेको उल्लेख गरे ।

कार्यक्रममा वडा सदस्य तीर्थबहादुर राजभाटले गत २ आर्थिक वर्षमा सक्नेरी क्षेत्रमा विनियोजन भई कार्यसम्पन योजनाहरुको विवरण प्रस्तुत गरे । साउन १८ गतेदेखि २१ गतेसम्म सञ्चालन हुने अभियान वडाका विभिन्न स्थानमा सरसफाइ, डस्टबिन विरतण र जनगुनासो सुन्दै सकिने छ ।