पोखरा ।
किसान संघ पोखरा महानगरपालिका ६ को अध्यक्षमा ओमनाथ अधिकारी चयन भएका छन् । संघको बिहीबार भएको दोस्रो अधिवेशनले अधिकारीको अध्यक्षतामा आठ सदस्य नयाँ कार्यसमिति सर्वसम्मत चयन गरेको छ ।

संघको उपाध्यक्षमा नारायण पोखरेल, सचिव मोतिराज कोइराला, सहसचिव विष्णुप्रसाद पहारी र कोषाध्यक्षमा पार्वती पौडेल चयन भएका छन् । सदस्यमा लक्ष्मीप्रसाद पहारी, सीता पौडेल र हीरा पौडेल चयन भएका नेपाली वडा इकाई ६ का सचिव प्रकाश न्यौपानेले जानकारी दिए ।

गण्डकी प्रदेशका प्रवक्ता माधवप्रसाद बास्तोला (मधु)ले किसानको जीवन र जीविकामा आमूल परिवर्तन ल्याउने गरी सरकारले कार्यक्रमको व्यवस्था गर्नुपर्ने माग राखेका छन् ।

रासायनिक मलको मूल्यवृद्धि रोकि, दीर्घकालीन योजना बनाइ रासायनिक मलको अभाव हुने अवस्था अन्त्य गरिदिन उनले सरकारलाई अनुरोध गरे ।

नेपाल किसान संघ कास्कीका अध्यक्ष पुण्डरीप्रसाद बरालले रासायनिक मलको विकल्पमा प्रांगारिक मल प्रयोग गर्न साथै कृर्षी प्रवद्र्धन गर्नुपर्नेमा जोड दिए ।

संघका क्षेत्रिय सभापति रवि अधिकारीले कृर्षी औजार र बीउबिजनको मूल्य वृद्धि नियन्त्रणमा सरकारले ध्यान दिनुपर्ने बताए । उनले कालोबजारी गर्नेलाई कारबाही गरि सुपथ मूल्य पसलहरू सञ्चालनमा ल्याउनुपर्ने उल्लेख गरे ।

संघका बैदामका अध्यक्ष लोकराज पहारीको अध्यक्षतामा सम्पन्न कार्यक्रममा इकाई सभापति सन्तोष पौडेल, नेपाली कांग्रेस गण्डकी प्रदेश संघ गठन विभागका उपप्रमुख प्रभा पौडेल सुवेदी र नेपाल तरुण दलका केन्द्रिय सदस्य लक्ष्मण पहारी लगायतले पहिलो प्राथमिकता नै किसानका हकहितमा हुनुपर्ने भनाइ राखेका थिए ।