पोखरा ।
रिपोर्टिङमा खटिएका पत्रकारमाथि हातपात गर्ने मध्ये थप १ जना पक्राउ कास्की प्रहरीले पक्राउ गरेको छ । शुक्रबार पोखरा महानगरपालिका १७ बस्ने वर्ष १७ का एक युवकलाई पक्राउ गरिएको जिल्ला प्रहरी कार्यालय कास्कीले जनाएको छ । पोखरामा यातायात व्यवसायीको आन्दोलनका क्रममा साउन १३ गते रिपोटिङमा खटिएका पत्रकार माथि यातायात व्यवसायीहरुले कुटपिट गरेका थिए ।

त्यस दिन यातायात व्यवसायीले गण्डकी प्रदेश सरकारले निजी दुई र चार पांग्रे सवारी साधनहरुलाई भाडामा प्रयोग गर्न पाउने गरी कार्यविधि बनाई लागु गर्न लागेको विषयको बिरोध गरेका थिए । सोही विषयमा रिपोर्टिङमा खटिएका पत्रकारद्वय बिना थापा मगर र सुरज थापा मगरमाथि उनीहरुले आक्रमण गरेका थिए । घटनामा संलग्न अन्य ५ जनालाई भने प्रहरीले भोलिपल्ट नै पक्राउ गरेको थियो । पक्राउ परेका उनीहरुमाथि थप अनुसन्धान भइरहेको प्रहरीले जनाएको छ ।