पोखरा ।
लायन्स क्लब अफ पोखरा सेन्ट्रल सेन्चुरीले बुधबार आयोजना गरेको रक्तदानमा ४२ युनिट रगत संकलन भएको छ । लायन्स अन्तर्राष्ट्रिय डिस्ट्रिक्ट ३२५ एम नेपालका ब्लड डोनेसन डिपार्टमेन्ट हेड विष्णुप्रसाद सुवेदीले रिजन १ का रिजन चियर पर्सन लक्ष्मी कोइरालालाई ब्लडब्याग हस्तान्तरण गरी रक्तदान सुरुआत गरेका थिए ।

ब्लड डोनेसन डिपार्टमेन्ट हेड सुवेदीले रगतको विकल्प रगत नै भएकाले समय समयमा रक्तदान गरी जीवन रक्षा गर्ने दायित्व निर्वाह गर्न आग्रह गरे । कार्यक्रममा क्लस्टर १ का क्लस्टर चिफ लक्ष्मण तिमिल्सिना र रिजन १ का रिजन चियर पर्सन लक्ष्मी कोइराला, जोन चियर पर्सन डिल्लीराम पराजुली, क्लबका द्वितीय उपाध्यक्ष राजु भण्डारी लगायतले बोलेका थिए ।

लायन्स पोखरा सेन्ट्रल सेन्चुरी अध्यक्ष युवराज पौडेल (अर्जुन)ले कार्यक्रमलाई सफल बनाउन भूमिका निर्वाह गर्ने सबैप्रति आभार व्यक्त गरे । उनले रक्तदान, वृक्षारोपण, स्वास्थ्य शिविर, शैक्षिक सामग्री वितरण जस्ता गतिविधिसहित लायनवादको आदर्शलाई साकार बनाउन क्लब लागिरहेको जनाए ।