पोखरा । लामो समयदेखि रिक्त रहेको उच्च अदालत पोखराको मुख्य न्यायाधीश पदमा डा‍ रत्नबहादुर बागचन्द नियुक्त भएका छन् ।

उच्च अदालत जनकपुर, अस्थायी इजलाश वीरगन्जमा कार्यरत वागचन्दलाई न्याय परिषद्ले पोखराको मुख्य न्यायाधीशमा नियुक्त गरेको हो । डिल्लीराज आचार्यले लामो समय पोखरामा कामु मुख्य न्यायाधीश पदमा रहे । सर्वाेच्चको न्यायाधीशमा नियुक्त हुने आश गरेर बसेका उनी उमेर हदका कारण कामु मुख्य न्यायाधीशबाट अवकाश भएका थिए ।

त्यसपछि राजनराज भट्टराईले कामु भएर चलाएका थिए । भट्टराईको उच्च अदालत जनकपुर, अस्थायी इजलाश वीरगन्जमा सरुवा भएको छ ।

न्याय परिषदले न्याय, कानुन र सरकारी वकिल समूहबाट ३५ जनालाई जिल्ला न्यायाधीश पदमा सिफारिस गरेको छ । परिषदको आजको बैठकले उच्च अदालत पोखरामा मुख्य न्यायाधीश नियुक्तसहित उच्च र जिल्ला अदालतका न्यायाधीश सरुवासँगै जिल्ला अदालतमा न्यायाधीश नियुक्त गरेको हो ।

सरकार परिवर्तसँगै लामो समयदेखि जिल्ला न्यायाधीश नियुक्ति रोकिएको थियो । सर्वोच्चमा पनि ४ न्यायाधीश पद रिक्त छ ।

बढुवा र सरुवाको सूची