पोखरा ।

पोखरामा क्रियाशील बुद्ध टोल युवा क्लब (बिटी) ले अन्तर्राष्ट्रिय युवा दिवसको अवसरमा आयोजना गरेको रक्तदानमा १ सय ४ युनिट संकलन भएको छ ।

क्लबले आयोजना गरेको खुला रक्तदानमामा १ सय ४ जनाले रक्तदान गरेको क्लबका अध्यक्ष असीम थापाले जानकारी दिए । बिटी क्लबले अब हरेक वर्ष खुला रक्तदान आयोजना गर्ने जनाएको छ ।

क्लबका सचिव रेशम सापकोटाले क्लबका सदस्य, पोखरा महानगरपालिका १ बगरका स्थानीय तथा भर्ती प्रशिक्षण केन्द्रका प्रशिक्षार्थी लगायतले रक्तदान गरेको जनाए ।

कार्यक्रममा पोखरा १ का वडाध्यक्ष सहारा प्रधानले सामाजिक कार्यलाई निरन्तरता दिन आग्रह गरे । प्रादेशिक रक्तसञ्चार सेवा पोखराको प्राविधिक सहयोगमा रक्तदान भएको हो ।