पोखरा ।
सिटीवान टेलिभिजनले महिलाहरुको महान चाड तीजमा सांस्कृतिक तीज गीत प्रतियोगिता गर्ने भएको छ । ‘तीजको बेला सिटीवानको सांस्कृतिक मेला, तेस्रो खुला तीज गीत प्रतियोगिता–२०८१’ नाममा टेलिभिजनले तीजका सांस्कृतिक पक्षहरुको संरक्षण गर्ने उद्देश्यले मेला आयोजना गरेको टेलिभिजनले जनाएको हो ।

भदौ १५ र १६ गते विहान ९ः०० वजेदेखि तेस्रो संस्करणको प्रतियोगिता टेलिभिजनले गर्न लागेको हो । टेलिभिजनकी प्रबन्ध निर्देशक अनिशा श्रेष्ठले पछिल्लो समयमा डिजिटल प्रविधिको प्रयोगका कारण नेपालीहरुका कतिपय संस्कृतिहरु लोप हुन लागेको भन्दै सबैको संस्कृति संरक्षणमा टेलिभिजन लाग्ने धारणा राखिन् ।

भदौको १५ र १६ गते गण्डकी प्रज्ञा प्रतिष्ठानको सभाहलमा हुने कार्यक्रमा प्रथम पुरस्कार ५० हजार, द्वितीय पुरस्कार ३० हजार, तृतीय पुरस्कार २० हजार, सान्त्वना पुरस्कार १० हजार, उत्कृष्ट नृत्य ५ हजार, उत्कृष्ट भेषभुषा ५ हजार, उत्कृष्ट शब्द ५ हजार छ । निशुल्क समूह दर्ता गरी आफ्नो संस्कृति प्रस्तुत गर्न अनुरोध टेलिभिजनका अध्यक्ष पवन प्रजापतीले गरेका छन् ।