पोखरा ।

पोखराको सूर्यदर्शन सहकारी सस्था लिमिटेड लगायतका सहकारी सस्था ठगी गरेको विषयमा छानविन गर्न गठित संसदीय विशेष समितिले राष्ट्रिय स्वतन्त्र पार्टीका सभापति रवि लामेछानेलाई बयानका लागि बोलाएको छ ।

संसदीय समितिका सभापति सूर्य थापाले लामिछानेलाई भोलि शुक्रबार २ बजे बयानका लागि बोलाइएको जानकारी दिएका छन् । जीबी राई संलग्न विभिन्न सहकारीबाट गोर्खा मिडियामा करोडौ रुपैया लगानी भएको देखिन्छ । पार्टी खोल्नु अघि रवि लामिछाने जीबी राईका व्यवसायिक साँझेदार थिए ।

जीबी र रवि मिलेर गोर्खा मिडिया प्रालि मार्फत स्पेश फोर के टेलिभिजन चलाएका थिए । रवि गोर्खा मिडियाका प्रबन्ध निर्देशक थिए ।

सुर्यदर्शन, सानोपाइला लगायत सहकारीको बचत रकम लामिछाने र गोर्खा मिडियामा गएको सन्दर्भमा सोधपुछका लागि बोलाइएको हो ।

लामिछानेलाई गोरखा मिडिया नेटवर्कको प्रबन्ध निर्देशकको हैसियतमा बयानका लागि बोलाइएको समितिका सभापति सूर्य थापाले बताए । उनलाई समितिले भोलि दिउँसो २ बजे बयानका लागि बोलाएको छ ।

यसअघि रवि र जीबीका अर्का साँझेदार छविलाल जोशीलाई पनि भोलि नै बयानका लागि बोलाइएको छ । सभापति थापाका अनुसार पूर्व डिआइजी समेत रहेका जाेशीलाई ११ गते सिंहदार स्थित समितिको कार्यालयमा बोलाइएको छ ।