पोखरा ।
सामुदायिक प्रहरी सेवा केन्द्र कास्की र जिल्ला समन्वय समिति कास्कीले शुक्रबार लोकदोहोरी गायक प्रजापति पराजुलीलाई सम्मान गरेको छ । लोकदोहोरीको संरक्षण र प्रवद्र्धनमा टेवा पुर्‍याएको भन्दै सेवा केन्द्रले उनलाई सम्मान गरेको हो ।

गण्डकी प्रदेश प्रहरी प्रमुख प्रहरी नायव महानिरीक्षक (डिआइजी) दुर्गा सिंहले उनलाई सम्मान हस्तान्तरण गरेकी हुन् ।
सम्मानको लागि पराजुलीले सेवा केन्द्रलाई धन्यवाद दिएका छन् । सम्मानले थप प्रेरणा मिलेको उनको भनाइ छ ।

उनी विसं २०२० सालमा कास्कीको भदौरेमा जन्मिएका हुन् । हाल पोखरा नदीपुरमा बस्छन् । लोकसंगीतमा लामो समय बिताएका पराजुली दोहोरीका अब्बल गायकका रुपमा परिचित छन् ।