पोखरा ।

वरिष्ठ अधिवक्ता तथा पृथ्वीनारायण क्याम्पसका पूर्व सहप्राध्यापक कृष्ण गुरुङको निधन भएको छ । लामो समयदेखि बिरामी उनको उपचारकै क्रममा सोमबार राति पोखराको चरक अस्पतालमा निधन भएको हो ।

हिमालय आँखा अस्पताल चलाइरहेको नेपाल नेत्रज्योति संघ गण्डकीका पूर्वअध्यक्षसमेत रहेका गुरुङ विभिन्न सामाजिक संस्थामा आवद्ध रही समाजसेवमा पनि सक्रिय थिए । कास्कीको माछापुच्छ्रे गाउँपालिका पुर्ख्यौली घर भई श्रीमतीसहित पोखरा दीपमा बस्दै आएका गुरुङका छोरीहरु बेलायत बस्छन् । उनीहरु आएपछि मात्रै अन्त्येष्टि गरिने पारिवारिक स्रोतले जनाएको छ ।