पोखरा ।
नयाँ विशेष सुविधा र किफायती मूल्यसहित सामसङ ग्यालेक्सी ए०६ मोबाइल नेपाली बजारमा आउँदै छ । सामसङको एन्ट्री लेभल लाइन अपमा पछिल्लो एडिसनको रूपमा आएको यो भर्सन भदौ २३ देखि नेपालभर उपलब्ध हुनेछ ।

ग्यालेक्सी ग्यालेक्सी ए०६ लाई स्लिकर र स्लिमर डिजाइनमा अपग्रेड गरिएको कम्पनीको दाबी छ । डिभाइसमा पावरफुल ५० एमपी प्राइमरी क्यामेरा र २ एमपी डेप्थ सेन्सर छ । जसले स्पष्ट र डिटेल भएका तस्बिर निकाल्छ भने उत्कृष्ट सेल्फी खिच्न यसमा ८ एमपी फ्रन्ट क्यामेरा राखिएको छ ।

यो फोनमा ६.७ इन्चको स्क्रिन छ । जसले माइक्रो एसडीमार्फत १ टिबीसम्म बाह्य मेमोरी सपोर्ट गर्छ । यो सेट मिडिया टेक हेलियो जि८५ प्रोसेसरबाट सञ्चालित छ । जसले गेमिङ, कन्टेन्ट हेर्न र सेयरिङक लागि उत्कृष्ट पर्फमेन्स दिन्छ ।

५ हजार एमएएच ब्याट्री र २५ बाट तीव्र चार्जिङ समर्थनका साथ, यसले लामो पावर प्रदान गर्दछ । यसमा रहेको सामसङ नक्स भल्टले हार्डवेयर अट्याकहरू विरुद्ध बलियो सुरक्षा प्रदान गर्दछ र प्रयोगकर्ताको संवेदनशील डेटाको अलग ट्याम्पर–प्रतिरोधी हार्डवेयरमा सुरक्षा सुनिश्चित गर्दछ । नयाँ साइड फिंगरप्रिन्ट सेन्सरका साथ अब यसमा सुविधाजनक प्रमाणीकरण सरल हुनाका साथै यसको नवीनतम ओएस र सुरक्षा अपडेट्सले डिभाइस सुरक्षा थप सुनिश्चित गर्दछ ।

कालो, हल्का नीलो र सुनौलो रंगमा उपलब्ध यो सेटमा ४/६४ जिबी भेरियन्टको १५ हजार ४ सय ९९, ४/१२८ जिबी भेरियन्टको १७ हजार ४ सय ९९ र ६/१२८ जिबी भेरियन्टको १९ हजार ४ सय ९९ मूल्य निर्धारण गरिएको छ । यो मोडेलका प्रत्येक सेट खरिदमा २५ वाट सामसङ एड्याप्टर निःशुल्क प्रदान गरिन्छ ।

उपभोक्ताले इन्स्टा फाइनान्स सेवाका साथमा यो सेट लिन सक्छन् । इन्स्टा फाइनान्स सबै अधिकृत सामसङ स्टोरमा उपलब्ध हुनेछन् । यो सेवामा ०% ब्याज दरका साथ झन्झट मुक्त इएमआई सेवाहरू र सजिलो प्रक्रिया समावेश छ ।