बागलुङ ।

बागलुङ नगरपालिका ४ बान्द्रे खोलामा बाढीले बगाउँदा मृत्यु हुनेको संख्या तीन पुगेको छ ।

कुँडुलेदेखि मालिका जाँदै गरेको ध २ प ८०१० नम्बरको मोटरसाइकल र ध १ प ९९९६ नम्बरको स्कुटरमा चढेर बान्द्रे खोला तर्ने क्रममा उनीहरु बगेका थिए ।

खोलामा बग्दा यसअघि सोही ठाउँका २३ वर्षीय अर्जुन सापकोटा र २२ वर्षीय अभिषेक रेग्मीको मृत्यु भएको भने २० वर्षीय कमल सापकोटा बेपत्ता थिए । बेपत्ता सापकाेटाकाे पनि शव फेला परेको बागलुङ प्रहरीले जनाएको छ ।

ती शव परीक्षणका लागि धौलागिरी अस्पताल बागलुङमा राखिएको छ । तीन जनाको शव दुई सय मिटर तल फेला परेको थियो ।