पोखरा ।
पोखरामा भदौ २८ गते शतक (सयौँ) समता सांगीतिक हुने भएको छ । पोखरेली युवा सांस्कृतिक परिवारको आयोजनामा कार्यक्रम हुन लागेको हो ।

वरिष्ठ कलाकारको सम्मान र सम्झनामा कार्यक्रम आयोजना गरिएको परिवारका अध्यक्ष उपेन्द्र पौडेलले जानकारी दिए ।
कार्यक्रममा कन्दरा ब्यान्ड, रामभक्त जोजिजु, विनोद बानिया, इतु जोजिजु, रजनी ऋदम राई र सन्तोष बस्यालले प्रस्तुति राख्नेछन् । उनीहरुले विनोद गौचन, सरोजगोपाल बज्राचार्य, अरुण थापा र धर्मराज थापाको गीत गाउँनेछन् ।

२०३४ सालमा स्थापना भएको संस्थाले प्रत्यक दुई/दुई महिनामा सांगीतिक कार्यक्रम गर्दै आएको छ । संस्थाले साहित्यकला र संगीतका क्षेत्रमा काम गर्छ ।