पोखरा ।
नेपाल इन्जिनियर एसोसिएसन गण्डकीको अध्यक्षमा सन्तोष जिसी निर्वाचित भएका छन् । दुई दिनसम्म चलेको अधिवेशनमा जिसीले ५ सय ९२ मत ल्याउँदा निकटतम् प्रतिद्वन्द्वी महेन्द्रबहादुर गोदारले ४ सय ७६ मत ल्याएका हुन् ।

जिसी कांग्रेस निकट हुन् । उनी सिडेनका तर्फबाट चुनावी मैदानमा थिए । सिडेन कांग्रेसको शुभेच्छुक संगठन हो । सिडेनबाट उम्मेदवार बनेका सबैले चुनाव जितेका हुन् । जिसीसँग पराजित हुने महेन्द्र गोदार एमाले निकट हुन् । उनी प्रोग्रसिभ टिमबाट निर्वाचनमा होमिएका थिए । प्रोग्रेसिभ एमाले निकट संस्था हो । प्रोग्रसिभका गोदारलाई माओवादी र एकीकृत समाजवादी निकट इन्जिनियरहरुको साथ थियो । यद्यपि एमाले माओवादीसहितको गठबन्धन कांग्रेससँग पराजित भएको छ । कांग्रेस एक्लैले सबै पदमा क्लिन स्वीप पारेको हो ।

केन्द्रीय सदस्यमा सिडेनका अबित केसी विजयी भए । उनले ६०६ मत पाउँदा निकटतम प्रतिस्पर्धी रामचन्द्र पोखरेलले ४३९ मत पाए । प्रदेशको उपसभापतिमा विशाल थापा ६६८ मत ल्याएर विजयी भए भने निकटतम् प्रतिद्वन्द्वी कृष्ण रिजालले ३९० मत ल्याए ।

सचिवमा पनि सिडेनकै निरोज लामिछाने ६०६ मत सहित विजयी भए भने प्रतिद्वन्द्वी आनन्द भट्टराईले ४४२ मत पाए । सहसचिवमा पनि सिडेनकै मञ्जु शिलाकार ५२४ मत ल्याएर विजयी भइन् । उनका प्रतिस्पर्धी अस्मिता खनालले ५२१ मत पाइन् । कोषाध्यक्षमा विश्वास आचार्य निर्वाचित निर्वाचित भएका छन् भने उनीसँग सोवित श्रेष्ठ पराजित भइन् । सदस्यहरुमा महेन्द्र पौडेल, सक्षम अधिकारी, सञ्जयराज तिमिल्सिना, रोचक क्षेत्री, धु्रव रेग्मी, निरोज घिमिरे, लालबहादुर खत्री, मनोज गिरी, रमेश भट्ट र सुमन शर्मा विजयी भए ।