पोखरा ।

पोखरा उद्योग बाणिज्य संघको नयाँ नेतृत्व चयनका लागि अब केही बेरमा मत गणना सुरु हुँदैछ ।

निर्वाचन समितिका संयोजक कृष्णमोहन श्रेष्ठका अनुसार ८ बजेबाट गणना सुरु गर्ने तयारी छ ।

पहिले सदस्यहरुको र सदस्यको गणना सकिएपछि पदाधिकारीको गणना गरिने संयोजक श्रेष्ठले समाधानलाई बताए । अन्तिममा अध्यक्षको र सचिवको परिणाम आउनेछ ।

शनिबार बिहानैबाट सुरु भएको मतदानमा २२ सय ५१ मत खसेको जनाइएको छ । जबकी पोखरा उद्योग वाणिज्य संघको मतदाताको संख्या २९ सय ७ जना छ ।

मतदानमा करिब ७ सय जना गयल भएका निर्वाचन मण्डलले जनाएको हो ।

संघको अध्यक्षका लागि गोकर्ण कार्की र अर्जुन पोखरेलबिच प्रतिस्पर्धा छ भने सचिवमा बालकृष्ण कोईरला र सुदीपमान प्रधानाङ्ग भिडेका छन् ।

१० जना सदस्यका लागि १४ जना चुनावी मैदानमा छन् ।