पोखरा ।
पाल्पाली बहुउद्देश्यीय सहकारी संस्था लिमिटेड पोखरा ९ को सेयर पुँजी घटेर २ करोड ७५ लाख ६० हजार २ सय कायम भएको छ । सहकारीको गत आर्थिक वर्षको सेयर पुँजी २ करोड ८५ लाख ५ हजार ८ सय थियो ।

सहकारीको छैटौं वार्षिक साधारण सभामा अध्यक्ष चिरञ्जीवी श्रेष्ठले आर्थिक वर्ष २०८०/०८१ सम्ममा सहकारीको कुल निक्षप भने बढेको जानकारी दिए । गत आर्थिक वर्षमा १ करोड ५३ लाख ७२ हजार १ सय २५ निक्षेप रहेकोमा अहिले सहकारीको निक्षेप १ करोड ९१ लाख ६७ हजार ८ सय ८६ पुगेको छ । अध्यक्ष श्रेष्ठले यस आर्थिक वर्षमा ३८ लाख ३१ हजार, ३ सय ५ रुपैयाँले वृद्धि भएको बताए ।

यस आर्थिक वर्षमा सहकारीको कर्जा प्रवाह २ करोड ७२ लाख ९६ हजार ४ सय ५६ पुगेको छ । सहकारीले गत आर्थिक वर्ष २०७९/०८०मा सहकारीको कर्जा प्रवाह ३ करोड ६४ हजार ९ सय १३ रुपैयाँ कर्जा प्रवाह गरेको थियो ।

सञ्चालक समितिको तर्फबाट अध्यक्ष श्रेष्ठले प्रस्तुत गरेको कार्य प्रगति विवरण र आगामी कार्ययोजना, कोषाध्यक्ष उमा सापकोटाले प्रस्तुत गरेको वार्षिक आय सहितको आर्थिक प्रतिवेदन र लेखा सुपरिपेक्षण समितिका संयोजक सुनील अर्यालले पेश गरेको लेखा समितिको प्रतिवेदन सभाले सुधारसहित पारित गरेको छ ।

कार्यक्रममा पोखरा महानगरपालिका सहकारी विभागका दर्ता अधिकारी अनिल कार्कीले समुदाय र समाज, अवकाश प्राप्त कर्मचारीमा आधारित सहकारी राम्रोसँग चलेको बताए । उनले ऋण असुली सबै सहकारीको राष्ट्रिय समस्याको रुपमा रहेको उल्लेख गरे । उनले सहकारीको जगेडा कोष राम्रो भएको जनाए ।

शेयर सदस्य सार्वभौम भएकाले नियमित रुपमा सहकारीमा आएर खबरदारी र निगरानी गर्न उनको सुझाव छ । कार्यक्रममा पाल्पाली बहुउद्देश्यीय सहकारी संस्थाका सञ्चालक समितिका उपाध्यक्ष बाबुराम खनाल, सचिव रेशमराज थापा, शिक्षा समितिका संयोजक पदमप्रसाद पोखरेल, सल्लाहकार नारायण पौडेल लगायतले सहकारीबारे बोलेका थिए ।

कार्यक्रममा एसइई परीक्षामा उत्तीर्ण सेयर सदस्यका छोराछोरीलाई कदरपत्र प्रदान गर्नुका साथै उत्कृष्ट सेयर सदस्यहरु तेजबहादुर थापा र कमलप्रसाद नेपाललाई सम्मान गरिएको छ । २०७६ असार १३ गते पोखरा महानगरपालिकाको सहकारी विभागका विधिवत दर्ता भएको सहकारीले पोखराको वडा नम्बर १ देखि १७ सम्म कार्यक्षेत्र विस्तार गरेको छ ।