पोखरा ।

गीतकार शिव पलाँसको नयाँ गीत ‘खोकी लाग्दा हर्रो’ सार्वजनिक भएको छ ।

समीक्षा अधिकारी र ईश्वर पोखरेल ‘अविरल’ले स्वर दिएको यो गीतमा प्रमोद पन्तले संगीत भरेका हुन् । योगेश काजीले संगीत संयोजन गरेको गीतको म्युजिक भिडियोमा गम्भीर बिष्ट र प्रियंका कार्कीले अभिनय गरेका छन् । कोरियोग्राफी र निर्देशनसमेत बिष्ट स्वयम्को छ ।

अक्सर आधुनिक गीत र गजलमा कलम चलाउने शिव पलाँसको यो लोकदोहोरी शैलीको गीतलाई स्रोताले रुचाएका छन् । दुई दशकदेखि निरन्तर साहित्य सृजनामा सक्रिय पलाँसका दर्जनौं गीत ख्याति प्राप्त कलाकारका स्वरमा रेकर्ड भईसकेका छन् ।

पलाँसको ‘माया गर्नुको अर्थ’ गीति सञ्चयनसमेत प्रकाशित छ । उनी कविता, मुक्तक, कथासहित अखबारी लेखनमा समेत क्रियाशील छन् ।