पोखरा । असोज महिना भए पनि सोमबार बिहानैदेखि गर्मी छ । यस्तो गर्मीका बेला पोखराका धेरै ठाउँमा दिनभर बत्ती आएन । नेपाल विद्युत प्राधिकरणले पोखराका विभिन्न ठाउँमा बत्ती नआउने सूचना सामाजिक सञ्जालबाट प्रवाह गरे पनि धेरै उपभोक्ताले थाहा पाएनन् ।

पोखरा भरतपुर वितरण प्रणाली सुदृढीकरण आयोजना अन्तर्गत भूमिगतको काम अनुसार कुँडहर १३२/११ के भि सब स्टेशनबाट सचालित ११ के.भी. न्युरोड फिडरको अन्डरग्राउन्ड केबल चार्ज गर्नका लागि सोमबार बिहान ८ बजेबाट बिजुली नआएको हो ।

साथै सोही आयोजनाको कार्यहरू द्रुत गतिमा चलिरहेको हुनाले विना पूर्व सूचना अन्य फिडरहरु समेत आवश्यकता अनुसार सटडाउन गर्ने गरिएकाले पनि पोखराका धेरै ठाउँमा बत्ती नआएको हो नेपाल विद्युत प्राधिकरण पोखरा वितरण केन्द्र
मालेपाटनले जनाएको छ ।

३ बजे भने पनि केही ढिला गरी बत्ती आएको प्राधिकरणले जनाएको छ ।

See less