पोखरा ।
पोखरा महानगरपालिका वडा नम्बर १४ मझेरीपाटन स्थित मेरो नेपाल युवा क्लबको आयोजनामा सुरु भएको छैटौं सेभेन ‘ए’ साइट पुरुष खुला फुटबल प्रतियोगिताको तेस्रो दिन सोमबार ८ खेल भएका छन् ।

सोमबार साँझ नै प्रि क्वाटर फाइनल २ खेल भए । पहिलो खेलमा एट टु नाइन बाँझापाटन र मेरो नेपाल सिबिच प्रतिस्पर्धा भएको थियो । एट टु नाइन बाँझापाटनले ४–० जित हात पारेको छ ।

प्रि क्वाटरको दोस्रो खेलमा मेरो नेपाल बि र भी१४ बिच प्रतिस्पर्धा भएको थियो । मेरो नेपालले ३–०ले जितेको प्रतियोगिताका प्रचारप्रचार सदस्य रोशन रानाभाटले जानकारी दिए ।

त्यसअघि सोमबार भएको पहिलो खेलमा एट टु नाइन बाँझापाटन र जनएकता चाउथेबिच प्रतिस्पर्धा भएको थियो । ट्राइवेकमा एट टु नाइन बाझापाटनले जित हात परेको छ । दोस्रो खेल मेरो नेपाल युवा क्लब ए र रुपा एफसीबिच प्रतिस्पर्धा भएको थियो । मेरो नेपाल युवा क्बलले २—० जितेको छ ।

तेस्रो खेला मालेपाटन एकेडेमी र बोन एफसीबिच प्रतिस्पर्धा भएको थियो । यो खेलमा बोन एफसी उपस्थित नभएपछि मालेपाटन एकेडेमीलाई विजयी घोषणा गरिएको हो । यस्तै, चौंथो केयान्बी रामघाट र मसिना एफसीबिच प्रतिस्पर्धा भएको थियो । केयान्बीले मसिना एफसीलाई ५–०ले पराजित गरेको हो ।

सोमबार भएको पाँचौं खेलमा चाउँथे एफसी र मार्सल एफसीबिच प्रतिस्पर्धा भएको थियो । टाइब्रेककमा चाउँथे एफसीले जितको छ । छँटौं कसेरी टोल ०१ र आकेटी बीबिच प्रतिस्पर्धा भएको थियो । कसेरीले २—०ले जितेको छ । क्लबले सोमबार राष्ट्रिय खेलाडी दीप कार्की र सुमित श्रेष्ठलाई सम्मान गरेको प्रचारप्रचार संयोजक पृथ्वी कुँवरले जानकारी दिए ।

प्रतियोगिताको प्रथम पुरस्कार राशी २ लाख १ हजार १ सय ११ रुपैयाँ रहेको छ । द्वितिय पुरस्कार १ लाख १ हजार एक सय ११ छ । प्रतियोगितामा हाई स्कोररलाई ५ हजार, उत्कृष्ट डिफेन्डरलाई ५ हजार, सर्वोत्कृष्ट खेलाडीलाई ६ हजार, उत्कृष्ट गोलकिपरलाई ५ हजार र अनुशासित टिमलाई दर्ता शुल्क बराबर पुरस्कार दिने अध्यक्ष एकेन्द्र कुँवरले जानकारी दिएका छन् ।