पोखरा । सूर्यदर्शन बचत तथा ऋण सहकारी संस्थाको रकम अपचलनको आरोपमा राष्ट्रिय स्वतन्त्र पार्टीका सभापित एवं पूर्व गृहमन्त्री रवि लामिछाने पक्राउ परेका छन् । उनीमाथि सहकारी ठगी र संगठित अपराध मुद्दामा अनुसन्धान हुनेछ ।

लामिछानेलाई आजै गाडीबाट पोखरा ल्याइने भएको छ ।

पक्राउ पर्नु अघि उनले पार्टी मुख्यालयमा छोटो सम्बोधन गरेका थिए । अदालतबाट आफूलाई आश लागेको र अपराध नगर्दा पनि राज्य शक्तिको प्रयोग गरेको र राज्यको दादागिरीविरुद्ध डटेर लड्न उनले आग्रह सम्त गरे ।

जिल्ला अदालत कास्कीले अनुमति प्रदान गरेपछि प्रहरीले उनलाई काठमाडौैंबाट साँझ पक्राउ गरेको हो । सहकारीको रकम गैरकानुनी रुपमा गोर्खा मिडिया प्रालिमा गएको र सो रकम लामिछाने समेतको संलग्नतामा अपचन गरेको अनुसन्धानबाट खुलेको छ ।

गोर्खा मिडिया प्रालिका अध्यक्ष जिबी राई फरार छन् भने अर्का सञ्चालक छविलाल जोशी असोज ६ गते पक्राउ परेका छन् ।