काठमाडौं । युनिलिभर नेपालले बाढीपहिरोपीडितका लागि ५० लाख रुपैयाँ प्रधानमन्त्री दैवीप्रकोप उद्धार कोषलाई हस्तान्तरण गरेको छ ।

यनिलिभर नेपालका प्रबन्ध निर्देशक/ सिइओ अम्लान मुखर्जी र संस्थापक साझेदार रविभक्त श्रेष्ठले प्रधानमन्त्री केपी शर्मा ओलीलाई भेटेर ५० लाखको चेक हस्तान्तरण गरेका छन् ।

युनिलिभरले स्वास्थ्य तथा जनसङ्ख्या मन्त्रालय मार्फत् राहतको आवश्यकतामा परेकाहरूलाई दैनिक सरसफाईका सामग्री पनि उपलब्ध गराएको छ ।

युनिलिभर नेपाल आफ्नो समुदायमा सकारात्मक प्रभाव पार्ने उद्देश्यबाट प्रेरित रहेको उल्लेख गर्दै नेपाली जनताको आवश्यकताको घडीमा साथ दिई समुदायको हित र विकासमा योगदान पुऱ्याउने प्रतिबद्धता जनाएको छ ।