पोखरा ।
अबदेखि फिल्म हलभित्र पानीसहितका पेय पदार्थ अधिकतम खुद्रा मूल्य (एमआरपी)मै पाइने भएको छ । वाणिज्य, आपूर्ति तथा उपभोक्ता संरक्षण विभाग र नेपाल चलचित्र संघबीच बुधबार यस विषयमा सहमति भएको हो । जसमा सिलबन्दी गरिएको खाद्य पनि समावेश छ । एमआरपीमा बिक्री नगरे व्यवसायीलाई कारबाही हुने विभागले जनाएको छ ।

‘बजारलाई स्वच्छ र प्रतिस्पर्धी बनाउने, उपभोक्ताको हक अधिकार संरक्षण गर्ने सवालको सिलसिलामा उक्त छलफल भएको हो’ विज्ञप्तिमा लेखिएको छ । चाडपर्वको बेलामा बजार अनुगमन तिव्रता प्रदान गरि अनुगमन टोली परिचालन गरिएको समेत विज्ञप्तिमा उल्लेख छ ।