पोखरा ।
पुराना इलेक्ट्रोनिक्स व्यवसायीसमेत रहेका पोखरा रेडियो ट्रेनिङ इन्स्टिच्युटका प्रिन्सिपल नारायण पौडेलको दोस्रो पुस्तक सार्वजनिक भएको छ । पोखरा कम्प्युटर लिङ्कका समेत प्रिन्सिपल रहेका पौडेलले २०४७ सालमा ‘रेडियो परिचय’ नामको कृति प्रकाशन गरेका थिए ।

२०४२ सालदेखि लगातार इलेक्ट्रोनिक्स व्यवसायमा सक्रिय उनी पोखरा इलेक्ट्रोनिक्स व्यवसायी संघका संस्थापक अध्यक्षसमेत हुन् । पुस्तकमा रेडियो, टेलिभिजन, मोबाइल र इन्टरनेटबारे आधारभूत जानकारी राखिएका छन् । इलेक्ट्रिकल एवं इलेक्टोनिक्स क्षेत्रबारे जानकारी चाहने र यसबारे विज्ञ बन्न चाहने दुवै थरीलाई लक्षित गरी पुस्तक प्रकाशन गरिएको पौडेलले बताए ।

पोखरा इलेक्ट्रोनिक्स व्यवसायी संघका अध्यक्ष नारायण सुवेदी यस खालका पुस्तक व्यवसायी र यसबारे तालिम लिनेहरु निकै उपयोगी बताउँछन् ।