पोखरा ।
जिल्ला अदालत कास्कीले चेक अनादर मुद्दामा पोखराका एक जना व्यवसायीलाई कैद सजाय सुनाएको छ । पोखरा उपमहानगर पालिका वडा नम्बर १३ का बासिन्दा तथा व्यवसायी अनिल सिग्देल कास्की जिल्ला अदालतको फैसला अनुसार २ वर्ष जेल बस्न पर्ने भएको छ ।

पोखरा कै व्यवसायी देवकृष्ण काफ्लेले दिएको मुद्दामा यही कार्तिक ९ गते जिल्ला अदालत कास्कीका न्यायाधिश कृष्णजंग शाहको इजलासले व्यवसायी अनिल सिग्देललाई दोषी ठहर गर्दै २ वर्ष कैद हुने आदेश सुनाएको हो

व्यवसायी काफ्ले र सिग्देल दुवै जना पोखरा उद्योग बाणिज्य संघका पूर्व कार्यसमिति सदस्य हुन । उनीहरुबीच ४५ लाख रुपैयाको लेनदेन थियो । सावाँ र ब्याज गरी करिब ७० लाख रुपैया तिर्न भएका सिग्देलले काफ्लेलाई दिएको चेक बाउन्स भएपछि चेकअनादरको मुद्दा दर्ता भएको थियो ।

मुद्दाको फैसला भएपछि सिग्देल फरार भएकाले जिल्ला अदालत कास्कीले पक्राउ गरी अदालतमा पेश गर्न कास्की प्रहीलाई पत्र पठाएको छ । यद्यपी अहिलेसम्म उनी फरार नै छन ।